Matimu ya tatana Magezi Frank Vukeya

Hi July Sithole

Siku ra ku velekiwa:  1951

Siku ra ku hundza emisaveni: 08-08-2023

Ntirho wa nkosi:  12-08-2023 eka Mudabula

Mufi Magezi Frank Vukeya aa ri  n’wana wa vumbirhi wa kokwani Hlengani Vukeya  na N’wa-Jivindhava Luwisa ntombhi ya Mhlengwe

U velekiwile eKhondela eka Muswana hi lembe ra 1951, laha a nga kulela kona na ku sungula kona ku nghena xikolo.

Hi 1968  muti wu rhurhile laha va nga ta va ta tshama etikweni ra vakokwani wa vona eka Mudabula.

Laha va yisile tidyondzo ta vona exikolweni xa Twananani laha va nga kondza va pasa ntangha ntsevu.

Hi ko kwalaho ka vusweti, va xambirile va ya tirha eka Xidzumbe

Ku suka kona, u yile eJoni laha a nga tirha eNorth Cliff enghadini

Leswi swi endlile a tiva xilungu swinene

Loko a ha ri Ejoni u tekile layisense ya Code 11 tiko xa ha etlele

Leswi swi endlile leswaku a kuma tirho eka Raniweyi, laha a nga dirayivha tithiraka a famba tiko hinkwaro.

Hi lembe ra 1975, u vutile nsati ku nga Rosemary ntombhi ya ka Njhakanjhaka Chauke.

Va katekisiwile hi vana va tintombhi, ku nga Poyi na Nkhensani.

Endhaku Ka ku hundza emisaveni ka Mhani wa tintombhi hi 1981, tatana Vukeya va vurile leswaku va ta yima nyana ku teka unwani mutshiveri ku kondza tintombhi ti kula.

Loko Raliweyi yi diliza vatirhi, ku katsa na yena, u vuyile ekaya a ta chayela movha ya truck ya ka Manganyi, ku kondza hosi John Mudabula va nwi vitana ku ta chayela Alchamino ya Ndhavezitha.

U vile yena a chayela movha ya Ndhavezitha John Mdabula ku va yisa emitsombanini na kunwana na kunwana laha hosi a yi ya kona.

Loko a kurile, u chayerile timovha ta Xirhandza Burial Society ya malume wa yena Maluleke, ngopfu ngopfu eka marendzo ya Joni laha a va tiva tindhawu.

Va tirhile eka Xirhandwa ku konda va wisa hi ku vona va kurile.

Tatana Frank Vukeya hi unwana wo sungula ku tlhavela ku sivela mavabyi ya Covid -19.

Kambe endhaku ka ku teka “first jab”,  u vikile ku twa ku vava ka misiha, leswi swi nga endla leswaku a ala ku tlhaviwa ra vumbirhi.

U sungurile ku tikeriwa hi mavambyi eka mavhiki mambirhi lawa ya hundzeke, ku kondza va hundza emisaveni  hi  08-08- lembe reri.

Va siya vana vambirhi, vamakwerhu va 11 na vatukulu va 6.

Etlela hi ku rhula Vukeya, Mhelembhe, Mkhombo, Vukeya!